Эрик Гарсия январда ПСЖга ўтиши мумкин
0
Барселона марказий ҳимоячиси Эрик Гарсия «Пари Сен-Жермен»нинг қизиқиш доирасида қолмоқда. Бунгача парижликлар испаниялик футболчини эркин агент сифатида ўз сафига қўшиб олишга ҳаракат қилаётгани ҳақида хабарлар тарқалган эди.
Ушбу миш-мишлар Гарсиянинг Барселона билан янги шартнома бўйича деярли келишувга эришгани сабабли пасайган эди. Аммо, журналист Лоик Тонзининг маълумотига кўра, ПСЖ ҳали ҳам Гарсияни ўз жамоасига қўшиш устида иш олиб бормоқда.
Франциянинг кучли клубига футболчини январда арзонроқ нархда сотиб олиш имконияти мавжуд. Трансфермаркт мутахассислари Эрик Гарсиянинг қийматини 25 миллион евро деб баҳоламоқда.
Яқинда Гарсия Барселона билан шартномасини узайтириб, клубда қолишни умид қилаётганини маълум қилган эди.