Флик: "Барселона" тактикаси ўзгармайди

“Барселона” бош мураббийи Ханс-Дитер Флик ўзининг тактик ёндашуви ҳақида фикр билдирди. Сўнгги ўйинларда бу тизим кутилган натижани бера олмаяпти.

Чоршанба куни “кўк-анорранглилар” Чемпионлар лигаси доирасида “Брюгге”га қарши ўйинда 3:3 ҳисобида дуранг қайд этишди. Каталонияликлар кетма-кет 9 ўйинда гол ўтказиб юбормоқда – бу ҳолат сўнгги 12 йилда кузатилмаган эди.

“Биз паст ҳимоявий блокка ўтишимиз мумкин, лекин ўз фалсафамиз доирасида кучайишимиз ҳам зарур. Муаммо интенсивликда: агар бу етишмаса, Чемпионлар лигасида натижа кутуш қийин бўлади.

Мен тактик ёндашувни тубдан ўзгартрадиган мураббийлардан эмасман. Биз ўз ДНК-мизга мос равишда ўйнашни хоҳлаймиз.

Паст ҳимоявий блок билан ҳимояланиш ва қарши ҳужумда битта гол уриб 1:0 ҳисобида ғалаба қозониш бизнинг услубимиз эмас. 3:3 энг яхши натижа эмас, лекин ижобий томони шундаки, биз ҳар бир ўтказилган ғолдан сўнг ҳисобни тенглаштира олдик”, – деди Флик матбуот анжуманида.

“Барселона” Чемпионлар лигаси умумий босқичида тўрт турдан сўнг 7 очко билан 11-ўринни эгаллаб турибди.