Эндрик "Манчестер Юнайтед"га ўтиши мумкин
0
Бразилиялик ҳужумчи Эндрик қишки трансфер ойнасида Мадриднинг "Реал" клубини тарк этиб, "Манчестер Юнайтед" сафига қўшилиши мумкин. Бу ҳақда Goal.com портали журналистлари хабар бермоқда.
Маълумотларга кўра, "қизил иблислар" Эндрикни жамоага таклиф қилишга тайёр, айниқса, ҳужумчи Бенжамин Шешко жароҳат олганидан сўнг. 19 ёшли бразилиялик футболчи "Қироллик клуби" билан 2030 йил ўрталарига қадар амал қилувчи шартномага эга.
Унинг трансфер нархи 35 миллион евро атрофида баҳоланмоқда. Жорий мавсумда Эндрик Испания Ла Лигасида бир ўйинда иштирок этган.