Сафонов 2025 йилдаги энг эсда қолган воқеани айтди

Россия терма жамоаси матбуот хизмати тайёрлаган янги йил видеосида Валерий Карпин Матвей Сафоновдан 2025 йилдаги энг эсда қолган воқеани айтишни сўради. «Чемпионлар лигасидаги ғалаба.

Айнан шу нарса алоҳида ажралиб туради», — деди Сафонов. 2024/2025 йилги мавсумда «ПСЖ» Чемпионлар лигасини клуб тарихида илк бор ютди.

Финалда Луис Энрике жамоаси «Интер»ни 5:0 ҳисобида йирик мағлуб этди. Парижликлар учун ғалабали бўлган Чемпионлар лигаси мавсумида Сафонов икки ўйинда иштирок этди: «Жирона»га қарши (1:0) ва «Бавария»га қарши (0:1).

Ҳозирда «ПСЖ» Чемпионлар лигасининг умумий босқичи турнир жадвалида учинчи ўринда бормоқда.