Ўзбекистонлик биринчи космонавт орбитага учирилиши маълум бўлди

2025 йил 26 декабр куни президент Шавкат Мирзиёев Олий Мажлис ва Ўзбекистон халқига қилган мурожаатида Ўзбекистоннинг илк космонавтини ва сунъий йўлдошини космосга учириш ишлари бошланганини маълум қилди. Давлат раҳбарининг сўзларига кўра, бу воқеалар илм-фан ривожланишига янги туртки беради.

2028 йилда Самарқандда Халқаро астрономик конгресс ўтказиш режалаштирилмоқда. Эслатиб ўтамиз, 2023 йилда Ўзбеккосмос ва Инновацион ривожланиш агентлиги кичик сунъий йўлдош учириш борасида келишувга эришган эди.

Лойиҳага ўзбекистонлик ёш мутахассисларни жалб қилиш режалаштирилган. Шу йилнинг ёзида Тошкент SpaceX компанияси ёрдамида сунъий йўлдош учиришга қизиқиш билдиргани ва компаниянинг Ўзбекистонга космосни ўрганиш стратегиясини ишлаб чиқишда кўмак беришга тайёрлиги маълум бўлган эди.