"Бу ҳақиқий даҳшат эди": Флоренци Роналду ва Мессидан ҳам қийин рақибини айтди

Италия терма жамоаси ҳамда "Милан" ва "Рома" клубларининг собиқ ҳимоячиси Алессандро Флоренци фаолияти давомида энг қийин рақибини тилга олди. 34 ёшли собиқ футболчи Иван Перишичга қарши ўйнаш Роналду ва Мессига қарши баҳслардан ҳам оғирроқ бўлганини таъкидлади.

"Мен Роналду ва Мессига қарши ўйнаганман – улар жуда катта ҳурматга лойиқ. Лекин энг кўп қийналганим бошқа футболчига қарши бўлган – мен Перишич ҳақида гапиряпман.

У ўнгга ҳам, чапга ҳам бемалол ўтарди – у учун фарқи йўқ эди. Ва у ҳеч қачон тўхтамасди.

Бу ҳақиқий даҳшат эди", – дея Флоренцининг сўзларини келтирмоқда италиялик ОАВ. Флоренци жорий йил ёзида фаолиятини якунлаган.

Иван Перишич Италияда "Интер" сафида тўп сурган. Ҳозирда 36 ёшли хорват футболчиси Нидерландиянинг ПСВ жамоасида ўйнайди.