Васкес Роналдуни "Реал" тарихидаги энг буюк футболчи деди

Мадриднинг "Реал" клубида тўп сурган собиқ ҳимоячи Лукас Васкес клуб тарихидаги энг буюк футболчи кимлигини айтди. Испаниялик футболчи бу борада собиқ жамоадоши Криштиану Роналдуни алоҳида таъкидлади.

"Мен Роналдуни "Реал" тарихидаги энг буюк футболчи деб ҳисоблайман", — дея Васкеснинг сўзларини келтиради Diario AS. Португалиялик ҳужумчи "қаймоқранглилар" сафида 2009 йилдан 2018 йилгача ўйнаган.

Ҳозирда "Олтин тўп"нинг беш карра соҳиби Саудия Арабистонида "Ал-Наср" клубида тўп сурмоқда. Лукас Васкес "Реал" тизимида жами қарийб 17 йил фаолият юритган.

Жорий йил август ойида 34 ёшли футболчи Леверкузеннинг "Байер" клубига кўчиб ўтди.