Кроос «Реал»да Винисиус билан алоқалари қандай бўлганини айтди
Мюнхеннинг «Бавария»си ва Мадриднинг «Реал»и сафида тўп сурган Тони Кроос «қироллик клуби»да бразилиялик футболчилар билан муносабатлари ҳақида гапирди. Бу ҳақда euro-football.ru хабар беради.
Немис ярим ҳимоячининг сўзларига кўра, у болалигидан бразилия футболини ёқтиради ва Мадридда Винисиус, Милитао ҳамда Каземиро билан тезда тил топишган. Кроос айниқса майдонда Винисиус билан ўзаро уйғунлик кучли бўлганини таъкидлади: ҳужумчи унинг узатмаларидан унумли фойдаланган, Кроос эса Винисиуснинг кескин югуришлари ва очилишларидан максимал даражада фойдаланиб келган.
Эслатиб ўтамиз, Кроос «Реал» шарафини 2014 йилдан 2024 йилгача ҳимоя қилган. У «қаймоқранглилар» сафида UEFA Чемпионлар лигасида беш бор ғолиб чиққан.