Ўзбекистонликлар 11 ойда таълимга 34,2 трлн сўм сарфлади

2025 йилнинг январ—ноябр ойларида Ўзбекистонда таълим хизматларига йўналтирилган маблағ 34,2 трлн сўмга етди. Миллий статистика қўмитаси маълумотига кўра, бу кўрсаткич ўтган йилнинг шу даврига нисбатан 8,8% га ошган.

Таълим бозоридаги энг катта улуш анъанадагидек пойтахт ҳиссасига тўғри келди: Тошкент шаҳрида таълим хизматлари ҳажми 16,6 трлн сўмни ташкил этиб, кўплаб ҳудудлар кўрсаткичидан қарийб етти баравар юқори бўлди.

Вилоятлар кесимида Самарқанд ва Фарғона етакчилик қилди — мос равишда 2,5 трлн ва 2,2 трлн сўм. Энг паст ҳажмлар эса Сирдарё (343,7 млрд сўм), Навоий (438,5 млрд сўм) ҳамда Жиззах (532,3 млрд сўм) вилоятларида қайд этилди.