Кафу «Милан» учун асосий хавф кимдан келишини айтди

Бразилия футболи афсонаси Кафу собиқ жамоаси «Милан»ни скудетто учун ҳақиқий даъвогар деб ҳисоблайди. Интервью чоғида ундан «Милан»нинг чемпионлик пойгасидаги энг хавфли рақиби кимлиги сўралди. Бу ҳақда euro-football.ru хабар беради.

Кафунинг фикрича, Италияда чемпионлик учун кураш кескин кечади ва ҳозирги уч етакчи жамоанинг ҳар бири совринни қўлга киритиши мумкин. Шунга қарамай, у «Рома»ни ҳам эътибордан четда қолдирмасликни тавсия қилди, шунингдек, «Ювентус» ҳам Спаллетти қўл остида тобора формага кириб бораётганини таъкидлади.

Эслатиб ўтамиз, Кафу А Серияда айнан «Рома» ва «Милан» сафида тўп сурган, Италиядаги фаолияти жами 11 йилни ташкил этган.