Милан Нкунки бўйича «Фенербаҳче» таклифини рад этди

Туркиянинг «Фенербаҳче» клуби «Милан» ҳужумчиси Кристофер Нкунки трансфери устида ишламоқда. Манбага кўра, Доменико Тедеско жамоаси «россонери»га 20 миллион евроли расмий таклиф юборган, бироқ италияликлар бу таклифни қабул қилмаган. Бу ҳақда euro-football.ru хабар беради.

Fanatik хабарига асосан, «Фенербаҳче» музокараларни тўхтатмоқчи эмас. Истанбул клуби франсуз футболчини қишки трансфер ойнасийоқ олиб келиш учун таклиф суммасини 30 миллион еврогача оширишга тайёр.

Жорий мавсумда 28 ёшли Нкунки «Милан» сафида барча турнирларда 15 учрашувда майдонга тушиб, 3 та гол ва 2 та голли пас муаллифи бўлди. Унинг «россонери» билан амалдаги шартномаси 2030 йилгача мўлжалланган.