Зебо Рахимова Янги йилни қандай кайфиятда кутиб олди? (видео)

Блогер ва актриса Зебо Рахимова 2026 йилни қаерда ва қандай кайфиятда кутиб олганини Instagram саҳифасида жойлаган видео орқали мухлисларига маълум қилди. У бу йилги Янги йилни Дубай шаҳрида, дунёдаги энг баланд бино — Burj Khalifaда уюштирилган бетакрор мушакбозликларни томоша қилиб қарши олганини ошкор этди.

Видеода Зебо Дубай осмонини ёритар экан, Burj Khalifaдан отилаётган ранг-баранг салютлардан ҳайрат ва қувонч билан завқланаётганини кўриш мумкин. У салютларни жуда яхши кўришини ҳам яширмади.

Блогер видео остида шундай изоҳ қолдирди:

“Бу йил Янги йилни Дубайда — Burj Khalifaдан отилаётган салютларга қараб кутиб олдим. Ўзи салютларни жудаям яхши кўраман. Жуда чиройли. Янги йил муборак”.

Мазкур видео қисқа фурсатда мухлислар томонидан илиқ муносабат билан қарши олиниб, кўплаб табрик ва эзгу тилакларга сабаб бўлди.