Кузмичёв Головин топ клубда етакчига айланганини айтди

Машҳур футбол агенти Владимир Кузмичёв россиялик ярим ҳимоячи Александр Головиннинг «Монако»даги муваффақиятли фаолияти ҳақида фикр билдирди. Бу ҳақда euro-football.ru хабар беради.

«Бу, албатта, жуда яхши намуна. Головин россиялик футболчи топ клубда шунчаки мослашибгина қолмай, жамоанинг асосий фигураси бўла олишини исботлади: натижага таъсир қилади, голлар уради, клубнинг юзи бўлиб юрибди», — деди Кузмичёв «Match TV»га.

Шу билан бирга, агент фақат Головин мисолида тўхтаб қолмаслик кераклигини таъкидлади: ундан-да каттароқ мақсадларни кўзлаш, янги чақириқлардан чўчимай қадам ташлаш зарур.

Головин 2018 йилдан буён «Монако» сафида тўп суради. Жорий мавсумда 29 ёшли хавбек барча мусобақаларда 15 ўйинда қатнашиб, 2 та гол урди ва 1 та ассист қайд этди.