Федерико Кьеза «Наполи» сафида тўп суриши мумкин
Сўнгги пайтларда Федерико Кьезанинг яна А Серияга қайтиши мумкинлиги ҳақидаги гап-сўзлар кўпайди. Бу ҳақда euro-football.ru хабар беради.
Манбаларга кўра, футболчи учун асосий даъвогар сифатида Миланнинг «Интер» клубидан кўра кўпроқ «Наполи» тилга олинмоқда. Неаполликлар сафида у ҳозир жамоани бошқараётган ва Кьезани жуда юқори баҳолайдиган Антонио Конте билан ҳамкорлик қилиши мумкин.
Бу сценарий ҳақида трансфер бозори бўйича ишончли журналист Николо Скира хабар тарқатди.
Ҳозирда Кьеза Англиянинг «Ливерпул» клубида ўйнамоқда, бироқ у ерда унинг роли унчалик катта эмас. Шу билан бирга, манба таъкидлашича, футболчининг ўзи ҳозирча инглиз клуби билан алоқаларни узиш борасида якуний қарорга келмаган.