Анте Ребич «Милан» даврини карьерасидаги энг яхши босқич деб атади

Италиянинг «Милан» клуби собиқ футболчиси, хорватиялик Анте Ребич ҳозирда ватани жамоаси — «Хайдук» сафида тўп сурмоқда. Ҳужумчи «Милан»даги фаолиятини ўз карьерасидаги энг ёрқин ва унумли давр сифатида эслади. Бу ҳақда euro-football.ru хабар беради.

Ребичнинг айтишича, айнан «Милан» сафида у ўйин ва футбол томондан энг юқори даражага чиққан: у кўплаб таниқли футболчиларга қарши майдонга тушиб, ўз имкониятларини жиддий синовдан ўтказганини таъкидлади.

Айни пайтда «Милан» А Серия турнир жадвалида иккинчи ўринда бормоқда ва бугун «Кальяри»га қарши учрашув ўтказади. «Милан» сўнгги бор 2022 йилда Италия чемпиони бўлган.