Ўзбекистон текстил экспорти бир йилда 11,5 фоизга қисқарди
0
2025 йил январ—ноябрь ойларида Ўзбекистоннинг текстил маҳсулотлари экспорти 2,3 млрд долларни ташкил этди. Миллий статистика қўмитаси маълумотига кўра, бу кўрсаткич 2024 йилнинг мос даврига нисбатан 11,5 фоизга кам. Бу ҳақда kursiv.uz хабар беради.
Экспорт таркибида энг катта улуш тайёр текстил маҳсулотларига тўғри келди — 52 фоиз. Йигирилган ип 28 фоизни, трикотаж мато эса 11 фоизни эгаллади. Қолган 9 фоиз улушга матолар, пайпоқ маҳсулотлари ва гиламлар киради.
Шу билан бирга, 2025 йилнинг 11 ойида Ўзбекистоннинг умумий экспорт ҳажми 30,9 млрд долларга етиб, ўтган йилнинг шу даврига нисбатан 26,2 фоизга ошди. Республиканинг ташқи савдо айланмаси эса 72,8 млрд долларни ташкил этди.