«Манчестер Юнайтед» бош мураббийликка 36 ёшли номзодни кўриб чиқмоқда

Рубен Аморим билан хайрлашган «Манчестер Юнайтед» янги бош мураббий масаласида фаол изланишни давом эттирмоқда. Бу ҳақда euro-football.ru хабар беради.

The Telegraph журналисти Жейсон Бертнинг хабар беришича, «қизил иблислар» «Порту» устози Франческо Фариолини тайинлаш вариантини муҳокама қилган. Манбага кўра, италиялик мутахассис номзоди раҳбарият даражасида кўриб чиқилган, бироқ ҳозирча якуний қарор бўйича аниқ позиция шаклланмаган.

Франческо Фариоли 2025 йил ёзида «Порту»ни қабул қилиб олган. У фаолияти давомида «Фатих Карагюмрюк», «Аланияспор», «Нисса» ва «Аякс» жамоаларида ҳам ишлаган. Ҳозирда 36 ёшли мураббий бошчилигидаги «Порту» Португалия чемпионатида 17 турдан кейин 49 очко жамғариб, турнир жадвалида пешқадам бўлиб турибди.