«Бавария» Упамекано битимининг чўзилишини сакичга қиёслади
Мюнхеннинг «Бавария» клуби бош ижрочи директори Ян-Кристиан Дрезен француз ҳимоячиси Дайо Упамекано билан шартномани узайтириш жараёни чўзилиб кетаётганини ноодатий тарзда изоҳлади. Бу ҳақда euro-football.ru хабар беради.
Клуб раҳбарининг айтишича, футболчи янги келишувга қўл қўйишни ортга сураётгани сакич чайнашни эслатади.
«Сакични узоқ чайнасангиз, охири таъми йўқолади. Шунинг учун бу ишни ҳам сакичдек чўзмаслик керак», — дея Дрезеннинг сўзларини T-online келтирди.
Унинг қўшимча қилишича, Упамекано клуб таклифидан анчадан бери хабардор, бироқ «Бавария» чек-сиз кутиб ўтира олмайди.
Ҳимоячининг амалдаги шартномаси 2026 йил 30 июнгача мўлжалланган. 2025/2026 йилги мавсумда француз футболчи 21 учрашувда майдонга тушиб, 1 гол урди.