Тошкентда аёлни безовта қилганликда гумонланган эркак ушланди
0
Тошкент шаҳар ИИББ Фарҳод бозори атрофида аёлга нисбатан номақбул хатти-ҳаракатлар содир этганликда гумон қилинаётган эркак қўлга олинганини маълум қилди.
Ҳодиса 6 январь куни соат 18:50 да Учтепа тумани Лутфий кўчасида юз берган. Ҳуқуқ-тартибот идоралари маълумотига кўра, гумонланувчи 27 ёшли фуқарога нисбатан нопок ҳаракатлар қилган ва воқеа жойидан яширинган.
Кейинчалик ИИББ ходимлари гумонланувчини аниқлаб, ушлаган. Ҳолат юзасидан Учтепа тумани ички ишлар бўлимида терговга қадар текширув бошланган.
ИИББ ушбу эркакнинг хатти-ҳаракатларидан жабр кўрган бўлиши мумкин бўлган фуқаролардан 71 231-95-20 рақамига ёки 102 қисқа рақамига мурожаат қилишни сўради.