Xiaomi янгиланган SU7 учун олдиндан буюртмаларни бошлади

Хитойнинг Xiaomi компанияси янгиланган SU7 электр седани учун олдиндан буюртмаларни очди. Reuters хабарига кўра, модель савдога 2026 йил апрелида чиқади. Бу ҳақда kursiv.uz хабар беради.

Янгиланишнинг асосий йўналиши хавфсизлик бўлиб, тўқнашувларнинг олдини олишга хизмат қилувчи тизимлар кучайтирилган. Хусусан, йўлдаги тўсиқларни аниқлаш учун лидар қўшилгани қайд этилди.

Янги SU7 нархи 229 900 юан (тахминан 32,9 минг доллар) этиб белгиланган. Бу аввалги версиядан бироз қимматроқ, бироқ Tesla Model 3 га нисбатан арзонроқ.

Компания вакиллари янгиланишда тезликдан кўра хавфсизлик устувор бўлганини таъкидлади. SU7 2024 йил мартидан бери бозорга чиққанидан буён 360 мингдан ортиқ автомобил сотилган, аммо сўнгги ойларда Хитой бозорида оммабоплик бўйича Tesla Model 3 олдинга ўтган.

Xiaomi 2026 йилда жами 550 мингта электромобил сотишни режалаштирмоқда, бу кўрсаткичга YU7 кроссовери ҳам киради. Ўтган йили компания электромобиллари иштирокидаги икки авария ортидан танқидлар кучайган, Xiaomi эса эътирозларга жавоб бераётганини ва харидорлар ишончини мустаҳкамлаш учун, жумладан, автомобил йиғиш жараёнини жонли эфирларда намойиш этаётганини билдирди.