«Манчестер Сити» Гвардиола даврида камёб дуранглар сериясини қайд этди
«Манчестер Сити» навбатдаги учрашувини дуранг билан якунлади: бу сафар «Брайтон» билан баҳс 1:1 ҳисобига тугади. Бу ҳақда euro-football.ru хабар беради.
«Шаҳарликлар» биринчи бўлим охирида Эрлинг Ҳоланднинг голи эвазига ҳисобни очди. Бироқ 60-дақиқада Каору Митома аниқ зарба билан «чайкалар»ни қутқариб қолди.
Шу тариқа Хосеп Гвардиола жамоаси чемпионатдаги учинчи ўйинни кетма-кет дурангга келтирди. Squawka қайд этишича, бу ҳолат испаниялик мутахассиснинг мураббийлик фаолиятида бор-йўғи учинчи марта кузатилмоқда. Аввал бундай серия 2017 йил апрелида ва 2023 йил декабрида рўй берган.
Гвардиола «Манчестер Сити»ни 2016 йил ёзидан бери бошқариб келмоқда. У Англияга келишидан аввал «Барселона» ва «Бавария»да ишлаган. Ҳозирги шартномаси 2027 йил ўрталаригача мўлжалланган.