Иниго Мартинес «Атлетик»нинг «Барса»га қарши ўйинидан ҳайратда

Аввал «Барселона» ва «Атлетик» Билбао сафида ўйнаган ҳимоячи Иниго Мартинес Испания Суперкубогида жамоаларнинг сўнгги учрашуви ҳақида фикр билдирди. Бу ҳақда euro-football.ru хабар беради.

Ярим финалда каталонияликлар 5:0 ҳисобида ғалаба қозонди. «Кўк-анорранглилар» танаффусга қадар тўртта гол уриб, ўйин тақдирини эрта ҳал қилди.

«Ростини айтсам, «Атлетик»нинг «Барса»га қарши бунчалик суст ўйнаганидан ҳайратдаман. Бу жамоа одатда 90 дақиқа босим билан югуриши билан танилган, аммо бу сафар улар атиги 15-20 дақиқага етди, кейин эса таслим бўлгандек туюлди. Иккинчи бўлимда «Барселона» темпни туширмаганида, яна кўпроқ гол уриши мумкин эди», — дея Мартинеснинг сўзларини Barca Universal келтиради. Ҳозирда у «Ал-Наср» сафида тўп сурмоқда.

Испания Суперкубоги финалида Ханс-Дитер Флик бошқарувидаги жамоа Мадриднинг «Реал»ига қарши майдонга тушади.