«Барселона» Испания Суперкубогида 100-голини нишонлади

Испания Суперкубоги ярим финалида каталониялик «Барселона» Бильбао «Атлетик»ига қарши учрашувда тўлиқ устунлик қилди ва рақиб дарвозасига бешта гол урди. Бу ҳақда euro-football.ru хабар беради.

Баҳсдаги сўнгги, бешинчи голни бразилиялик Рафинья киритди. Айнан шу тўп «Барселона» учун мусобақа тарихидаги юбилей — 100-гол бўлди.

«Барселона» 1983 йилдан буён ўтказиб келинаётган Испания Суперкубогида энг кўп гол урган жамоа бўлиб қолмоқда. Индивидуал кўрсаткичлар бўйича эса турнирнинг энг яхши тўпурари ҳам «Барселона» вакили — Лионель Месси (14 гол).

Эслатиб ўтамиз, «Барселона» Испания Суперкубогини 15 марта қўлга киритган.