«Манчестер Юнайтед» бош мураббийликка Луис Энрикени кўзламоқда
«Манчестер Юнайтед» Рубен Аморим билан хайрлашганидан сўнг жамоага янги бош мураббий топиш устида иш олиб бормоқда. Бу ҳақда euro-football.ru хабар беради.
Португалиялик мутахассис душанба куни лавозимини тарк этди. Манбаларга кўра, мавсум якунгача жамоани вақтинчалик мураббий бошқаради, ёзда эса клуб доимий бош мураббийни тайинламоқчи.
Англия ОАВ хабарларига қараганда, «қизил иблислар»нинг эътибори ҳозир «ПСЖ» устози Луис Энрикега қаратилган. Сўнгги пайтларда испаниялик мураббийнинг Париждан кетиши мумкинлиги ҳақида гаплар кўпайган, бироқ француз клуби бу миш-мишларни рад этган.
Луис Энрикенинг «ПСЖ» билан шартномаси 2027 йилнинг ўрталаригача мўлжалланган. У Париж клубида 2023 йил ёзидан буён ишлаб келмоқда.