Компани Карлнинг «Реал» ҳақидаги гапларига муносабат билдирди

«Бавария» бош мураббийи Венсан Компани 17 ёшли Леннарт Карлнинг Мадриднинг «Реал»и ҳақида айтган сўзларига изоҳ берди. Бу ҳақда euro-football.ru хабар беради.

Ёш ҳужумкор ярим ҳимоячи келажакда «қироллик клуби»да ўйнашни орзу қилишини очиқ айтганди. Карлнинг бу баёноти Германия футболида куннинг энг кўп муҳокама қилинган мавзуларидан бирига айланди.

Компани вазиятга кенгроқ қарашини таъкидлади: унинг сўзларига кўра, Карл машғулотларда сидқидилдан ишлаяпти ва жамоа манфаатини биринчи ўринга қўймоқда. Мураббий буни ёш футболчининг эҳтимолий коммуникацион хатоси деб баҳолади, бироқ ёши инобатга олинса, унинг фикрлаши тўғри йўналишда эканини қайд этди.

Мутахассиснинг айтишича, Карл ўша гаплардан кўп ўтмай Эберл ва Фройнддан дарҳол узр сўраган. Компани эса бу мавзуни у билан алоҳида муҳокама қилмасликни маъқул кўрган: жамоада ҳамма гапирган, ҳатто жамодошлари енгил ҳазил қилган, бироқ мураббий буни ортиқча муҳокамасиз ёпмоқчи бўлган.

Компани Карл учун асосий мезон битта эканини ҳам қўшимча қилди: агар у ёмон машқ қилса ёки 100 фоиз куч билан ишламаса, муаммолар бўлади. Аммо ҳозирча барчаси аксинча — у аъло даражада шуғулланмоқда ва майдонда ҳам жуда яхши ўйин кўрсатмоқда. «У узр сўради, мени ҳаммаси қониқтиради», — деди Компани.

Шанба куни «Бавария» Бундеслига 16-тури доирасида «Волфсбург»га қарши майдонга тушади.