Бензема Эль Класико олдидан «Реал» бугун уйда ўйнайди деди
«Ал-Иттиҳод» ҳужумчиси Карим Бензема Испания Суперкубоги финали арафасида фикр билдирди. Ҳал қилувчи баҳсда Мадриднинг «Реал»и ва «Барселона» ўзаро тўқнаш келади. Бу ҳақда euro-football.ru хабар беради.
Учрашув Саудия Арабистонида ўтказилмоқда ва франсуз футболчи ҳам стадионда. Бензема таъкидлашича, маҳаллий мухлислар «қироллик клуби»ни фаол қўллаб-қувватламоқда.
«Бугун “Реал” уйда ўйнаяпти. Саудия Арабистонида мадридистлар кўп», — деди 38 ёшли, «Реал»нинг собиқ ҳужумчиси Movistar'га берган интервьюсида.
Эль Класиконинг боришини LiveResult.ru порталида матнли онлайн трансляция орқали кузатиш мумкин. Ўйин Тошкент вақти билан 00:00 да бошланди.