Жоб Беллингемга Ла Лигадан икки клуб қизиқиш билдирди
Ярим ҳимоячи Жоб Беллингем Германиядан Испанияга йўл олиши мумкин. Ижтимоий тармоқларда журналист Экрем Конур тарқатган хабарга кўра, Беллингемнинг укасига Мадриднинг «Атлетико»си ҳамда «Вильярреал» жиддий қизиқиш билдирмоқда. Бу ҳақда euro-football.ru хабар беради.
Ҳозирда 20 ёшли футболчи Дортмунднинг «Боруссия»си сафида тўп сурмоқда. Жорий мавсумда у 23 та учрашувда майдонга тушиб, жамоадошларига 2 та голли узатма муаллифи бўлди.
Transfermarkt портали Жоб Беллингемнинг бозор қийматини 25 миллион еврога баҳолаган. Унинг Дортмунд клуби билан амалдаги шартномаси 2030 йилнинг ўрталаргача мўлжалланган.