Устюрт минтақасида янги табиий газ оқими аниқланди

2026 йил 10 январда Устюрт минтақасидаги “Мўйноқ” кони яқинида жойлашган Шагирлик-қуйи Юра 2-сонли излов қудуғида саноат миқёсида табиий газ оқими аниқланган. Қудуқ 5 265 метр чуқурликкача бурғиланган бўлиб, 5 061–5 265 метр оралиғида табиий газ уюмлари топилди.

Ушбу излов ишлари “Ўзбекгеофизика” АЖ ва “Нефт ва газ конлари геологияси ҳамда қидируви институти” ДМ томонидан амалга оширилмоқда. Яқин келажакда майдонда 3 ва 4-сонли излов қудуқларини бурғилаш режалаштирилган.

Аниқланган табиий газ оқими ҳудуддаги энергетика салоҳиятини ошириш ва нефт-газ комплексининг ривожланишига катта ҳисса қўшади. Шу билан бирга, излов ва бурғилаш ишлари юқори профессионал стандартлар ва хавфсизлик қоидаларига мувофиқ олиб борилмоқда.