Игнатьев ЖЧ-2026да гуруҳ босқичида осон ўйинлар кўпаяди
2026 йилги жаҳон чемпионати 48 жамоага кенгайтирилиши FIFA учун ташкилий ҳамда спорт нуқтайи назаридан жиддий муаммолар келтириб чиқариши мумкин. Бу фикрни Россия терма жамоасининг собиқ бош мураббийи Борис Игнатьев билдирди. Бу ҳақда euro-football.ru хабар беради.
Мутахассиснинг айтишича, Осиё ва Африка терма жамоалари учун мундиал йўлини енгиллаштираётган янги формат, аввало, тижорий манфаатларга хизмат қилади. Бироқ спорт томошаси жиҳатидан гуруҳ босқичида натижаси олдиндан тахмин қилинадиган баҳслар сони ортади: кучли жамоалар етарли қаршиликка дуч келмайди.
«Рақобат томондан турнирнинг бошланиши бироз “хиралашади”: фаворитлар гуруҳдан осон чиқиб кетади. Плей-оффда эса чарчоқ тўпланиб боради, шу сабаб ўйинлар аввалгидек томошабоп бўлмайди», — деди Игнатьев. Унинг сўзларини Gazeta.Ru келтирди.
Эслатиб ўтамиз, ЖЧ-2026 Шимолий Америкадаги уч давлат — АҚШ, Мексика ва Канадада бўлиб ўтади. Турнир 11 июнда старт олади, финал эса 19 июлга белгиланган.