Штефан Кунц Гамбургдаги лавозимини жанжал ортидан тарк этди

Январ бошида Германия терма жамоасининг собиқ футболчиси Штефан Кунц «Гамбург» клубида спорт директори лавозимидан кетганини эълон қилганди. У буни «шахсий характердаги муаммолар» билан изоҳлаган, бироқ энди бу баёнот ортида нима тургани маълум бўлди. Бу ҳақда euro-football.ru хабар беради.

Маълумотларга кўра, вазият бир неча йил аввал «Аякс»да Марк Овермарс билан боғлиқ можаронинг сценарийсини эслатади. «Гамбург»нинг икки ходимаси 63 ёшли Кунц томонидан ноўрин хатти-ҳаракатлар бўлгани юзасидан шикоят қилган ва Германияда бундай даъволар жиддий кўриб чиқилгани сабабли, якун Кунц учун жазоланиш билан тугаган.

Клуб ичида ички текширув ўтказилгани таъкидланмоқда. Кунц эса айбловларни рад этиб, ўзини айбсиз деб ҳисоблаяпти ва зарур бўлса, обрўсини судда ҳимоя қилишга тайёрлигини билдирган.