Лука Маркеджани «Милан» нега очко йўқотаётганини тушунтирди

Италиялик дарвозабон Лука Маркеджани «Милан»нинг сўнгги икки турдаги дуранглари ҳақида фикр билдирди: жамоа аввал «Женоа», кейин эса «Фиорентина» билан тенг ҳисобда майдонни тарк этди. Бу ҳақда euro-football.ru хабар беради.

Маркеджанининг айтишича, тақвимнинг тиғизлиги жиддий таъсир кўрсатмоқда: олдинги ўйин пайшанба куни бўлиб ўтган, кейингиси эса якшанба тушдан кейин режалаштирилган ва орадаги танаффус уч суткага ҳам етмайди. Унинг таъкидлашича, бундай қисқа муддат тўлиқ тайёргарлик кўриш учун камлик қилади.

Шунингдек, Маркеджани «Милан» кичик жамоаларга қарши баҳсларда доим ташаббусни ўз қўлига олиш, тўпни кўпроқ назорат қилиш ва вазият яратишга мажбур бўлаётгани учун қийналаётганини айтди. Кучли рақибларга қарши эса миланликлар баъзида ўйинни рақибга топшириб, ҳимоявийроқ услубда ҳаракат қилиши мумкин ва бу модел уларга кўпроқ мос келади.

Ҳозирда «Милан» турнир жадвалида иккинчи ўринда бормоқда.