Долларнинг пасайиши УЕФАга зарар келтирди
Европа футбол ассоциациялари иттифоқи (УЕФА) 2024/25 йилги мавсум ҳисоботида доллар курсининг тушиши ташкилотга катта молиявий зарар келтирганини маълум қилди. Ушбу иқтисодий ва геосиёсий ўзгаришлар натижасида УЕФА қарийб 50 миллион евро йўқотган.
Хабарда таъкидланишича, сўнгги бир неча йил давомида УЕФА қўшимча фойда кўриш учун кучли доллардан кенг фойдаланган ва валюта бозорида катта даромадга эга бўлган. Бироқ, 2025 йил март ойида АҚШ доллари курсининг кескин пасайиши — деярли 9 фоизга заифлашиши — ташкилот учун 47 миллион евро миқдорида молиявий йўқотишларга сабаб бўлган.
УЕФА ҳисоботига кўра, ушбу ҳолат иқтисодий шароит ва бозор ўзгаришлари, шунингдек глобал геосиёсий вазият таъсирида юз берган.