Давид Трезеге «Ривер Плейт» раҳбариятига қайтиб иш бошлади

Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага қайтди. У аввалроқ «Ривер Плейт» сафида ҳам тўп сурган ва жамоа билан мамлакат иккинчи лигасида чемпионликни қўлга киритган эди. Бу ҳақда euro-football.ru хабар беради.

Бу сафар Трезеге майдонга эмас, клуб бошқарувига йўл олди: у «Ривер Плейт»нинг раҳбарият таркибига қўшилмоқда. Клуб унинг тақдимот маросимини ўтказди, унда юқори бошқарув вакиллари ҳам қатнашди.

Трезегега берилган аниқ лавозим ҳозирча очиқланмаган. Шунга қарамай, у стратегик масалалар билан шуғулланиши ҳамда «Ривер Плейт»ни институционал даражада вакиллаши маълум қилинди.

Эслатиб ўтамиз, франсуз футболчи фаолиятини 2015 йилда якунлаган.