Джикия агенти ҳимоячининг «Антальяспор»даги келажагини изоҳлади
«Антальяспор» ҳимоячиси Георгий Джикиянинг агенти Владимир Кузмичёв футболчининг келажаги борасидаги гап-сўзларга муносабат билдирди. Бу ҳақда euro-football.ru хабар беради.
Агентнинг айтишича, Джикия билан ҳаммаси жойида ва клуб унга ишонмоқда. Сўнгги учрашувларда у майдонга тушмагани сабаби — микрожароҳат бўлган. Ҳозир эса тикланиб бўлган ва катта эҳтимол билан кейинги ўйинда яна майдонга қайтади.
Аввалроқ матбуотда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Джикиянинг Туркия чемпионатидаги жорий мавсум кўрсаткичлари: 12 та ўйин ва 2 та гол. Футболчининг «Антальяспор» билан шартномаси 2027 йил ўрталаригача амал қилади.