Нилуфар Усмонова ва Жамшид Бобожоновдан кутилган премьера
0
Хонанда Нилуфар Усмонова ва актёр Жамшид Бобожонов ижро этган “Содда” номли янги тарона бугун, 27 январ куни соат 18:00 да эксклюзив тарзда премьера қилинади. Ушбу кутилаётган ижодий иш санъат ихлосмандлари орасида аллақачон катта қизиқиш уйғотди.
Мухлислар ижтимоий тармоқлардаги изоҳларда ушбу таронани узоқ вақтдан бери интиқлик билан кутишганини ёзиб қолдиришмоқда. Кўпчилик Нилуфар Усмонова ва Жамшид Бобожоновни биргаликда ижод қилганини кўришдан мамнун эканини билдириб, уларнинг овози ва образлари бир-бирига жуда мос келишини таъкидлашмоқда.
Шунингдек, мухлислар бу ижодий тандемдан нафис, самимий ва эсда қоларли тарона кутишаётганини яширмаяпти. Премьера санаси яқинлашар экан, “Содда” қўшиғига бўлган қизиқиш тобора ортиб бормоқда.