Муҳаммадисо Абдулхаиров вилоятчиликка қарши кескин фикр билдирди

Актёр Муҳаммадисо Абдулхаиров йўлларда автомобиль рақамига ёки одамнинг қаерлик эканига қараб муносабат билдириш одати кескин танқид қилди. Унинг айтишича, “қаерликсиз?” деган савол кўпинча беозор қизиқиш эмас, балки одамларни ич-ичидан ажратишга хизмат қилади. Актёр бу саволни ёмон кўришини яширмай, бундай ёндашув жамиятни бўлинишга олиб келишини таъкидлади.

Абдулхаировнинг фикрича, одамнинг миллати ёки қаерданлиги ташқи кўринишидан ҳам аён: “Мексикадан ҳам, Испаниядан ҳам эмасман — ўзбекистонликман, бу кўриниб турибди”, дейди у. Унинг айтишича, агар суҳбатдош Самарқандлик бўлса ва ўзи ҳам Самарқанддан эканини айтса, муносабат бирдан илиқлашади. Аммо бошқа вилоят номи айтилса, эътибор пасайиб кетиши мумкин. Бу эса, у таъкидлаганидек, билиб-билмай миллатчиликка элтади.

Актёр йўлларда автомобиль рақамига қараб ҳам бир-биримизни баҳолашимизни аччиқ билан тилга олди. “Ўзимизни ўзимиз ғажиб ташлаяпмиз”, дейди у. Абдулхаировнинг фикрича, Фарғоналик ҳам, Қашқадарёлик ҳам бегона эмас — барчамиз бирмиз, бир Ватан фарзандимиз. Қийин вазиятларда бирга хизмат қиладиган эканмиз, кундалик ҳаётда ҳам бир-биримизни ажратмаслигимиз керак.