Саудия журналиcти Роналдуга ён бермаслигини қатъий айтди
Криштиану Роналду «Ал-Наср»нинг айрим ўйинларида майдонга тушмай, клуб бошқарувидаги қарорлардан норози эканини билдираётгани ҳақида хабарлар тарқалди. Вазият юзасидан саудия телебошловчиси Валид ал-Фараж ўз муносабатини билдирди. Бу ҳақда euro-football.ru хабар беради.
Ал-Фаражнинг таъкидлашича, Саудия Арабистонидаги спорт тизими ва лига регламенти муҳокама қилинмайдиган тамойил бўлиб, юлдуз мақоми ҳеч кимга қоидаларни бузиш ҳуқуқини бермайди. У Роналду регламентни ҳурмат қилиши ва белгиланган тартибга риоя этиши шартлигини айтиб, «Лига ҳар қандай ўйинчидан устун. Биз Роналдунинг олдида тиз чўкмаймиз, уни илтимос қилиб қолишимиз керакми? Мамлакатимиз ва лигамиз ҳаммасидан устун», дея кескин фикр билдирди.
Ма’лумот учун, Роналду ва «Ал-Наср» ўртасидаги амалдаги шартнома 2027 йилнинг ўрталаригача мўлжалланган.