«Бетис» «Атлетико»дан аламини олди ва Мадридда ғалаба қозонди

Ҳафта ўртасида Кубок баҳсида «Атлетико» сафарда «Бетис»ни 5:0 ҳисобида йирик мағлуб этганди. Орадан уч кун ўтиб Ла Лига доирасида пойтахтдаги учрашув «матрасниклар» учун кутилганидек осон кечмади. Бу ҳақда euro-football.ru хабар беради.

Ўйин бошланишида Адемола Лукман жарима майдончаси чап четидан узоқ бурчакка кучли зарба берди, тўп устун ёнидан ўтиб кетди. Бироз ўтиб Хулиан Алварес чап қанотдан дарвозани нишонга олди, дарвозабон эса тўпни бурчак зарбасига чиқариб юборди. 28-дақиқада Антони узоқдан яқин ўнг бурчакқа зарба йўллади ва посбоннинг кечиккан реакцияси «Бетис»ни олдинга олиб чиқди — 0:1. «Атлетико» тезда жавоб қайтаргандек бўлди: Маркос Льоренте Лукманни юзма-юз вазиятга чиқарди, аммо гол офсайд сабаб бекор қилинди.

Иккинчи бўлим бошида чап қанотдан узатилган тўп узоқ устунда Хулиано Симеоне томонидан қайтариб берилди, бироқ жамоадошлар якунлай олмади. Кейинроқ ўнг қанотдан узатма вақтида Антуан Гризманн зарба бера олмади, курашда Диего Льоренте тўпни ўз дарвозасига йўналтирди, аммо бу эпизод ҳам офсайд туфайли гол сифатида қайд этилмади.

Якунда 0:1 — «Бетис» муҳим уч очко билан турнир жадвалида бешинчи ўринни мустаҳкамлади, «Атлетико» эса учинчи поғонада қолди.