«Бока Хуниорс» янги спорт директорини расман таништирди

Аргентина гранди «Бока Хуниорс» клубида спорт директори лавозимига Марсело Делгадо тайинланди. У клуб президенти Хуан Рикелме билан яқин ҳамкорликда ишлайди. Жамоага тезкор кучайтиришлар зарурлиги боис, раҳбарият трансфер йўналишида фаол иш олиб боришни режалаштирмоқда. Бу ҳақда euro-football.ru хабар беради.

Делгадо футболчилик фаолиятида ҳам катта тажриба тўплаган: у Аргентина терма жамоаси сафида 1995–2002 йилларда 18 ўйинда майдонга тушган ва 1998 йилги жаҳон чемпионатида ҳам иштирок этган. Шунингдек, 2003 йилда у Либертадорес кубогининг энг яхши тўпурари бўлган — бу натижани «Сантос» ҳужумчиси Рикардо Оливейра билан бўлишиб олган.