«Ливерпул» «Энфилд»да 83-дақиқагача ютиб туриб мағлуб бўлди
Англия Премьер-лигасининг навбатдаги турида «Ливерпул» ўз майдони — «Энфилд»да «Манчестер Сити»га имкониятни бой берди. Бу ҳақда euro-football.ru хабар беради.
Учрашувнинг 74-дақиқасида мезбонлар ҳисобни очиб, олдинга чиқиб олди. Бироқ жамоа 83-дақиқагача устунликни ушлаб турган бўлса-да, якунда кетма-кет икки гол ўтказиб юбориб, мағлубиятга учради.
Қайд этилишича, «Ливерпул» клуби тарихида илк бор АПЛда «Энфилд»да ўйиннинг шунчалик кеч палласигача ҳисобда олдинда бориб, барибир ютқазди. Сўнгги етти дақиқада бундай сценарий билан очко йўқотиш мерсисайдликлар учун янгилик бўлди.
Ушбу мағлубиятдан сўнг Арне Слот бошқарувидаги жамоа АПЛ турнир жадвалида 6-ўринга тушиб кетди.