«Лечче» «Удинезе» устидан иродали ғалабани илиб кетди

Италия А Сериясининг 24-турида «Лечче» ўз майдонида «Удинезе»ни қабул қилди ва уч очкони сўнгги дақиқаларда ўз томонига оғдира олди. Бу ҳақда euro-football.ru хабар беради.

Учрашувнинг 5-дақиқасида Йеспер Карлстремнинг хатосидан сўнг Омри Гандельман ҳисобни очди — 1:0. 26-дақиқада эса Умар Соле 11 метрлик жарима зарбасини аниқ ижро этиб, дарвозабонни алдaди ва мувозанатни тиклади — 1:1.

Ўйин охирларига бориб «Лечче» ҳужумларни кучайтирди: Конан Н’Дри узоқ масофадан йўллаган зарбада нишонни сал четлаб ўтди. Бироқ 90-дақиқада Ламек Банда жарима зарбасидан тўпни аниқ бурчакка йўллаб, мезбонларга ғалабани тақдим этди — 2:1.

Шу тариқа «Лечче» ғалабасиз сериясига якун ясади ва тушиб кетиш зонасидан 3 очкога узоқлашди. «Удинезе» эса турнир жадвалида саккизинчи ўринни бир неча жамоа билан бўлишиб турибди.