«Бока Хуниорс» Марсело Делгадони спорт директори этиб тайинлади

Аргентина гранди «Бока Хуниорс» клубда янги спорт директорини расман эълон қилди. Бу лавозимга Марсело Делгадо тайинланди ва у клуб президенти, «Барселона»нинг собиқ футболчиси Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.

Жамоа таркибини тезроқ кучайтириш зарурати борлиги таъкидланмоқда. Энди Делгадо ва Рикелме трансферлар ҳамда спорт сиёсати бўйича муҳим қарорлар устида бирга ишлаши кутилмоқда.

Делгадо футболчилик фаолиятида ҳам катта тажриба тўплаган. У 1995–2002 йиллар оралиғида Аргентина терма жамоаси сафида 18 та учрашувда майдонга тушган, жумладан 1998 йилги Жаҳон чемпионатида ҳам иштирок этган.

Шунингдек, Делгадо 2003 йилда Либертадорес кубогининг энг яхши тўпурари бўлган. У бу кўрсаткичда «Сантос» ҳужумчиси Рикардо Оливейра билан бир хил натижа қайд этган эди.