Уваров Россияга УЕФАдаги эҳтимолий рақибни айтди
СССР терма жамоасининг собиқ дарвозабони Александр Уваров бу йил Россия ва Исроил терма жамоалари ўртасида ўртоқлик учрашуви бўлиб ўтиши мумкинлигини таъкидлади. Ҳозирда Уваров Тель-Авивнинг «Маккаби» клуби ёшлар жамоасида дарвозабонлар мураббийи сифатида фаолият юритмоқда. Бу ҳақда euro-football.ru хабар беради.
Унинг сўзларига кўра, бундай ўйин учун жиддий тўсиқлар йўқ. Уваров Metaratings нашрига берган изоҳида, агар Россия томони ташаббус кўрсатса, 2026 йилда Россия ва Исроил терма жамоалари баҳсини кўришимиз мумкинлигини айтган.
Шу билан бирга, Уваров Россия ва Исроил футбол федерациялари ўртасидаги муносабатлар жуда яхши эканини ҳам қайд этди.
Маълумки, Россия терма жамоаси санкциялар шароитида ҳозирча фақат ўртоқлик учрашувларини ўтказа олади. Март ойидаги навбатдаги йиғинга рақиблар эса ҳали эълон қилинганича йўқ.