«Бока Хуниорс» янги спорт директорини эълон қилди

Аргентина гранди «Бока Хуниорс» клубида спорт директори лавозимига Марсело Дельгадо тайинланди. У клуб президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.

Жамоа таркибини тезкор кучайтириш зарурати бор ва энди раҳбарият ушбу йўналишда фаол иш олиб боришни режалаштирмоқда.

Дельгадо футболчи сифатида ҳам катта тажрибага эга: у 1995–2002 йиллар оралиғида Аргентина терма жамоаси сафида 18 учрашувда майдонга тушган, жумладан, 1998 йилги жаҳон чемпионатида ҳам иштирок этган.

Шунингдек, у 2003 йилда Либертадорес кубогида «Сантос» ҳужумчиси Рикардо Оливейра билан бирга турнирнинг энг сермаҳсул тўпурари бўлганди.