«Реал»нинг ёш ҳимоячиси Хименес Арбелоа кутганидан ҳам зўрроқ ўйнади
Мадриднинг «Реал» клубида ўнг қанот ҳимоячиси Давид Хименес асосий жамоада мустаҳкам ўрин эгаллаши мумкин. Бу ҳақда euro-football.ru хабар беради.
21 ёшли футболчи Ла Лигадаги сўнгги «Валенсия»га қарши учрашувда илк бор стартда майдонга тушди, «қаймоқранглилар» эса «Месталья»да 2:0 ҳисобида ғалаба қозонди. Журналист Рубен Мартиннинг хабар беришича, бош мураббий Алваро Арбелоа Хименеснинг ўйинидан жуда мамнун қолган. Арбелоа уни «Кастилья»даги ҳамкорлик давридан яхши билса-да, ёш латераль барибир мураббийнинг барча кутганларидан ҳам юқори даражада ҳаракат қилди.
Манбаларга кўра, эндиликда Хименес асосий таркиб ўйинларига тез-тез жалб этилади. У ҳозиргача «Реал» сафида тўртта учрашувда қатнашган, шундан иккитаси Испания кубогига тўғри келади. Март ойида ҳимоячи 22 ёшга тўлади.