«Ал-Наср» бош мураббийи Роналду нега дам олаётганини айтди

«Ал-Наср» бош мураббийи Жорже Жезуш Криштиану Роналдунг яқинлашиб келаётган учрашувда майдонга тушмаслиги сабабини изоҳлади. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида «Аркадаг»га қарши ўйнайди. Португалиялик юлдуз ҳужумчи тез орада жамоа сафида яна кўриниши кутилаётганди, бироқ бу сафар ҳам у қайдномадан жой олмайди.

Жезушнинг таъкидлашича, мураббийлар штаби тиг‘из тақвим фонида Роналдуни ва асосий таркибдаги бир қатор футболчиларни асрашга қарор қилган. Унинг сўзларига кўра, жамоани олдинда «Ал-Фатеҳ»га қарши муҳим ўйин кутмоқда.

Мутахассис, шунингдек, Роналдунг бундай учрашувларни ўтказиб юбориши янгилик эмаслигини қўшимча қилди: у Саудия Арабистонидан ташқарида ўтадиган баҳсларда биринчи марта майдонга тушмаётгани йўқ.

Саудия чемпионатидаги «Ал-Фатеҳ» — «Ал-Наср» учрашуви шанба, 14 февраль куни бўлиб ўтади.