«Ал-Наср» мураббийи Роналдунинг танаффус олишини айтди

«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида «Аркадаг»га қарши ўйнайди. Португалиялик юлдуз ҳужумчи бойкотдан кейин тез орада сафга қайтиши кутилaётганди, бироқ бу ўйинда ҳам у рўйхатда бўлмайди.

«Зич тақвим сабаб Роналду ва асосий таркибдаги яна бир қатор футболчиларга дам беришга қарор қилдик. Олдинда «Ал-Фатeҳ»га қарши жуда муҳим учрашув турибди», — дея Жезушнинг сўзларини келтиради Al Nassr Zone.

Мураббий таъкидлашича, Роналдунинг дам олиши янгилик эмас: у Саудия Арабистонидан ташқарида ўтказиладиган ўйинларни илк бор ўтказиб юборaётгани йўқ.

Саудия чемпионати доирасидаги «Ал-Фатeҳ» — «Ал-Наср» баҳси шанба, 14-февраль куни бўлиб ўтади.