Гвардиола Нико О’Райлининг ҳимоядаги ўйинини юқори баҳолади

“Манчестер Сити” бош мураббийи Хосеп Гвардиола Нико О’Райлининг қанот ҳимоячиси позициясидаги ўйини ҳақида фикр билдирди. Бу ҳақда euro-football.ru хабар беради.

Мутахассис ёш футболчининг ҳаракатларини жуда юқори баҳолаб, жамоа рақобатбардош бўлиши учун жисмоний тайёргарлик ва тўпни назорат қилиш масалалари муҳимлигини таъкидлади. “Аъло даража. Биз жисмонан яхши тайёр бўлишимиз керак, чунки тўпни етарлича бошқара олмаяпмиз. Агар тўпни ёмон ушласанг ва жисмоний томондан ҳам етарли бўлмасанг, бошқалар билан рақобатлаша олмайсан”, — деди Гвардиола City Report нашрига.

Жорий мавсумда 20 ёшли “Сити” академияси тарбияланувчиси барча мусобақаларда 37 та учрашувда майдонга тушиб, 4 та гол урди ва 5 та голли узатмани амалга оширди.

О’Райлининг “Манчестер Сити” билан шартномаси 2030 йилгача мўлжалланган. Transfermarkt маълумотига кўра, футболчининг бозор қиймати 40 миллион еврони ташкил этади.