Жезуш Роналдунинг ўйинни ўтказиб юбориш сабабини айтди
«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Чоршанба куни Ар-Риёд клуби ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада майдонга қайтиши кутилaётган бўлса-да, бу сафар ҳам у қайдномадан жой олмайди.
Жезушнинг таъкидлашича, жамоа тиғиз тақвим сабаб Роналдуни ва асосий таркибдаги яна бир қатор футболчиларни асрашга қарор қилган. Мураббий олдинда «Ал-Фатеҳ»га қарши муҳим ўйин борлигини эслатиб ўтди.
Al Nassr Zone келтирган иқтибосда айтилишича, Роналдунинг дам олиши янгилик эмас: у Саудия Арабистонидан ташқарида ўтадиган учрашувларда илк бор қатнашмаётгани йўқ.
Саудия чемпионати доирасидаги «Ал-Фатеҳ» — «Ал-Наср» учрашуви шанба, 14-феврал куни бўлиб ўтади.