Алдо Серена "Милан"ни Скудетто учун асосий даъвогар деб билди
“Интер”нинг собиқ тўпурари Алдо Серена бу мавсумдаги азалий рақиб “Милан”нинг чемпионлик пойгасидаги имкониятларини юқори баҳолади. Унинг фикрича, Массимилиано Аллегри бошқарувидаги жамоа ҳозирча 5 очко йўқотган бўлса-да, Скудетто учун курашни сўнгги турга қадар давом эттиради. Бу ҳақда euro-football.ru хабар беради.
Серена “Милан”нинг имкониятларини “Интер”нинг Чемпионлар лигасидаги ўйинлари билан ҳам изоҳлади: Европа майдонидаги учрашувлар катта куч ва энергия талаб қилади. У ҳатто чемпионлик пойгасида “Милан”ни фаворит сифатида кўраётганини ҳам таъкидлади, дея хабар беради pianetamilan.it.
Март ойи бошида “Милан” ва “Интер” ўзаро дербида майдонга тушади. Учрашув 8-март куни бўлиб ўтади.